More Elsabé, met die nuwe jaar wat nou begin momentum optel is ‘n mens stelselmatig besig om die ou jaar af te sluit. Deel daarvan vir my is refleksie op oomblikke wat deel word van
jou goeie herinneringe in die lewe. Ek onthou nog die eerste dag wat ek en Therese by Bambini ingestap het. Ons het die dag verlof geneem om ‘n geskikte skooltjie te vind, vir die toe ongebore Alexander. Ons het begin met ‘n lys van 4 skole en Bambini was laaste op die lys, verwys deur ons buurvrou as een om na te kyk. Soos ons van skooltjie getoer het, was ons hoogs bekommerd dat ons nie iets gaan vind wat naby kom wat ons vir ons kind wil he nie, totdat ons by Bambini ingestap het. Daar het dinge reg gevoel, die groentetuin en hoendertjies het verwys na ‘n dimensie wat ons na aan die hart gelê het, en daarby was alles net in sy plek. Jy het nog hoflik na die dag al my lys van vrae beantwoord, soos wat jy al seker talle male vir toekomstige ouers moes doen. Bambini het gespreek tot ons, en so het twee nuwe ouers hulle vertroue geplaas in ‘n skooltjie wat ‘n groot rol sou speel in the vorming van hulle kind.

Ons was nie ‘n oomblik spyt nie. Alexander het sy tyd geniet, en mooi ontwikkel, Ek onthou nog die dag wat Therese vir my sé dat sy amper die kar gerol het toe sy hoor hoe haar
tweejarige sit en die kolle tel op sy kameelperd agter in die kar. Ja sy ontwikkeling was werklik iets besonders, soveel so dat ek wonder of die nuwe skooltjie sal kan opleef na die standaard wat ons nou aan gewoont geraak het. Ons is bederf deur Bambini. Ek wil graag vir jou dankie se vir die tyd wat ons saam met Bambini kon deurmaak en wat julle vir Alexander gedoen het. Ek en Therese is opreg dankbaar vir julle en die Gemoedsrus wat Bambini in ons lewe beteken het. Ons wens eintlik ons was nog daar, maar besef die volgende hoofstuk moet begin vir Alexander. Dankie weereens, en alles van die beste vir 2016 en die toekoms!

Hi Elsabe, ek wil net ‘n oomblik neem om dankie te se. Hierdie jaar was so maklik, ek kon regtig net in en uit hardloop, op en aflaai. Dit beteken ook dat ‘n mens min gesels en tyd het vir dankie sê. Julle is regtig ‘n pragtige klomp mense en die Curtis gesin is baie lief vir almal by Bambini. Matthew was vreeslik gelukkig! Dit beteken vir ‘n mamma baie om vinnig te kan aflaai en daar is geen trane, hy val letterlik so in die arms van jou AMAZING personeel. Ek kan nie een dag in 2017 onthou waar iets my by Bambini gepla het nie. Alles was positief en my kind is baie gelukkig en tuis by julle. Ek is seker volgende jaar sal dieselfde wees.

Elsabe, ongelooflik baie dankie vir al die liefde & omgee wat jul vir Michael gegee het die laaste 3jaar! Ons is gelukkig dat ons by julle uitgekom het dat jul deel van ons familie geword het.

Elsabe en span, met die jaar wat nou op sy einde staan wil ons net dankie se vir die tydperk wat Karlia by julle kon wees. Dit was vir ons net ‘n plesier en totale gemoedsrus om haar elke dag die laaste 3 jaar by julle te los. Ons dink nie julle besef aldag wat dit vir ons as ouers beteken nie en hoeveel dit vir ons werd is om te weet dat julle met soveel passie en liefde na ons kinders kyk nie. Hou asb. aan met die fantastiese werk wat julle doen. Ons wens julle alle voorspoed toe vir die toekoms en wie weet dalk kruis ons paaie weer.

I don’t think thank you is enough for all that you do! You & your school have shaped Harper into this beautiful little girl that we couldn’t be prouder of & lots of who she is, is because of you & your school! Thank you for everything from the bottom of our hearts! She is going to miss you & Bambini so much!

Liewe Elsabé, ons gaan Bambini verskriklik baie mis. Dit is verseker die heel beste kleuterskool in Pretoria! ‘n Mooier en netjieser skool met ouliker personeel gaan jy nêrens kry nie! Bambini se sukses is te make aan jou en jou wonderlike span. Jy is ‘n besondere mense en ek ken min mense wat so hard werk en georganiseerd is en alles wat hulle aanpak met absolute “excellence” doen! Dankie vir al die liefde wat julle vir my dogtertjies Sofia en Katerien oor die jare gegee het. Ons kon regtig nie vir ‘n beter skool gevra het nie!